Muchato

Muchato chiitiko chekunge murume nemukadzi vari kuroorana vachiita mhiko dzavo dzokugara vose. kazhinji kuitwa kwemhiko kunoteverwa nemhemberero apo vanhu vakakokwa vanenge vofara pamwe nevachati.

Muchato unokwanisa kuitirwa muKereke kana kuitirwa mudare raMudzviti. Vanochata vanowanza kunge vaine vafakazi vanopupura kuti vaona muchato uwu vachiisa runyoro rwavo pagwaro remuchato. Mukadzi anenge achichata anonzi mwenga, murume anenge achichata anonzi sakuwana kana kuti zenda - saka vachati vanenge vari zenda nomwenga.

MuZimbabwe nekune dzimwe nyika nhau yekuroorana inoperera pamberi pemhuri nevabereki pasina kuenda kunochata kuKereke kana kuhurumemnde. MuZimbabwe murume anenge aripa roora paanozopiwa mukadzi natezvara. Kunyika dzevarungu mukuwasha anopiwa mukadzi asina roora raaripa. Kune dzimwe nyika mukadzi ndiye anoripa mari achitora mururme kuti ave wake; iyi tsika inowanikwa kuIndia.

Mitauro yeChiBantu

• VaChewa vanoti chikwati (wedding) kureva muchato. VaTaita vanoti mwali (bride) kureva mwenga.
• Herero vanoti omutyato kana orutyato (delicacy; deliciousness; sweetness; preference, liking). Mamwe mazwi: tyata (v. please; be agreeable; sweet; relish, prefer).
• VaTonga vanoti muchado (n. wedding) kureva muchato.VaLozi vanoti wenga (n. marriage feast.) kureva mabiko emuchato.
• VaDigo vanoti mwari (n. girl who is betrothed or engaged to be married; fiancé) kureva mwanasikana akavimbiswa kuroorwa.