Category talk:Mutupo
MBUYA CHIKONAMOMBE (The Springbok/Impala/Mhara totem) Maita Mbuya, Maita vari Gombwe, Kuziva zvenyu vari Rare, Hekani vaDzete vakabuda muRenje, Vachiuya kuzotitsvagawo veMaromo. Zvaitwa vari Zvihota, Vana vaMaromo, Gusho rangu riri. Maita zvenyu Mhara, Chikonamombe, Manyuka angu yaya, Makanyaya churu namate chikave murove. Maita vari Gangarahwe Mukonde, Kune Mhara inobhururuka, Yakaera kutsika pasi kana yomhanya. Kuziva zvenyu mhara yangu yiyi, Makanga musorwara mhezi Makazozadzwa mhezi nevaranda, Maita zvenyu vekwa Sadzadete, Gobvu rinokonza chitsa, Dzangare, Vauyauya vakabva Renje. Maita vaMaromo, Chigumbu chino unye. Chinotodenwa huri usiku Kuchidenha masikati chinovava. Maita vari Zvihota, chikomo chakaumbwa nevhu, Chisina kana nakatombo zvako pamusoro, chinowanikwa pachisipiti chete kunge nhova yomucheche. Aiwa zvaonekwa Gusho, Zvaitwa Mbuya, Chikonamombe
Tanga hurukuro nezve Category:Mutupo
Talk pages are where people discuss how to make content on Wikipedia the best that it can be. You can use this page to start a discussion with others about how to improve Category:Mutupo.
