Tanganda Tea
Tanganda Tea (kureva Tanganda Svutugadzike; Tanganda Tii) ndivo varimi vakuru uye vagadziri wesvutugadzike ne kofi muZimbabwe uye mumwe wevanogadzira svutugadzike zvikuru muAfurika. Ikambani yezvechikafu iri kukwikwidza muZimbabwe, uye inoumba chikamu cheMeikles Group, kambani huru yemuZimbabwe inewo mahotera ne madhipatimende ezvitoro zvikuru kuchamhembe kweAfurika.
Tanganda iri kwaMutare kuMa-highland eMabvazuva eZimbabwe. Makwenzi esvutugadzike ekutanga akadyarwa muZimbabwe akabva mubhokisi rembeu dzakaburitswa kunze kweIndiya muna 1924 naMai Florence Phillips, mudzimai wemurimi wesvutugadzike wekuAsamu (kana Assam), uye dzakadyarwa pedyo neChipinge. Kubudirira kwegoho kwakakurudzira kuumbwa kwekambani yeWard and Phillips (Pty) Ltd, iyo yaive muridzi weGoredzva Gift and Ratelshoek Estates pedyo neChipinge, iyo yakaumba musimboti ekambani ye Tanganda Tea. Svutugadzike yakawanda yekambani iyi ichiri kurimwa kuChipinge, kunyangwe hazvo kambani iyi yava kutenga mari yakawanda yesvutugadzike kubva kuvarimi vadoko vakazvimiririra.
Tanganda Tea inotengesa mhando yesvutugadzike muZimbabwe nepakati peAfurika yose.