Muunzikwa

Muunzikwa (concentrate in English) zvinoreva zviwanikwa zvinenge zvabuda pakupungunura chitofu - apa zvinenge zvawedzerwa chiunziko kuchishandiswa nzira dzinopatsanura mambara kubva kuchitofu. Muunzikwa une chiunziko hwesimbi hwakakwira kudarika chitofu kana mambara. Muunzikwa unozopinda mune dzimwe shandura dzinowedzera chiunziko dzamara simbi yasvika pakunatswa.

Kana gold ichicherwa chitofu chinobuda kumugodhi chinokwanisa kunge chine chiunziko che 2 gram/tonne. Panozosvika kunatswa kuReserve Bank chidhinha chegold chinenge chava nechiunziko che 99% zvichikwira. Pakati pekuchera chitofu nekuzova nechidhinha che gold pane Muunzikwa unobatwa kuburukidza neshandura dzakasiyana-siyana.

Mamwe Mazwi

• Kupungunura (remove waste or to remove from waste). Apa izwi iri riri kutodzaniswa nerinoti bungu rinoreva guri rinosara risina tsanga pakutonongora.