Muhambo weRukamukano
Mashoko anoti Muhambo weRukamukano kana muhambo wakakamuka (relative motion) ari kushandiswa pano kutaura kufamba kwezvinhu zviviri zviri kufamba nomutowo wekukamukana. Apa muhambo wekukamukana zvinotaura mutowo wemuhambo unosanganisira: kusiyana kwespidhi kana mafambiro; kuparadzana; kutarangana kana kusiyana kwedivi riri kuendwa. Mihambo yose inoonekera zvichienderana nokuti wacho ari kucherechedza ari kutarisa ndima ine miganhu ipi. Nzvimbo iri kucherechedzwa tichaiti ndima yakarehwa - frame of reference. Saka maonero okuti chinhu chiri kuhamba zvakadini anobva pakuti ndima yakarehwa iri nomucherechedzi ndeipi.
Pamwe tingaturikira relative motion tichiti muhambo unotaranza.
Muenzaniso chinjirudza
Ngatitii kuna Tendai akagara padivi penjanji. Tendai anokwanisa kuona chitima chichipfuura nespidhi 50 km/hr kubva ku[[mabvazuva] kuenda kumadokero. Kana Tendai ane meso akapinza anokwanisa kuona chigubhu chiri patafura iri muchitima zvakare. Kuna Tendai chigubhu ichi chinenge chihamba nespidhi 50 km/hr kubva kumabvazuva kuenda kumadokero zvakare.
Ngatitii kuna Ngwarai akagara pabhenji riri muchitima pedyo netafura ine chigubhu. Ngwarai akatarisa chigubhu ari paagere anoona sokuti chigubhu hachisi kuhamba - nokuti iye pamwe nechigubhu vagere muchitima chimwe pasina chiri kufamba muchitima makare.
Mamwe Mazwi chinjirudza
- Kukamuka (become separated from). Mombe iyi yakamukana mudanga redzayo seiko?