Njiri

Njiri kana dhawani (warthog in English) imhuka yemusango iri mumhuri yenguruve. Mhuka iyi inozivikanwa nezvinyanga zvipfupi zviviri zviri pamuromo payo. Njiri haisiyo yatinoti nguruve yemusango; iripo imwe humba yakafanana zvanyanya nenguruve dzinopfuyiwa pamba.

Njiri inodya huswa; michero; mwakwati emiti; mazai nezvimwewo. Munguva yokunaya kwemvura njiri dzinodya zvisora zvipfupi zvirarama gore negore. Munguva yekutonhora mhuka idzi dzinodya midzi yemiti, nezvimabumbe zvinokura muvhu.

video

• Mwana wenjiri anonzi chinjerete.

Mazwi eAfrika

• VaBemba vanoti njili (warthog; wild boar) kureva njiri.
• Mururimi rweLuwanga vanoti injiri (wild boar) kureva njiri.
• VaKabwa vanoti engiri (warthog; wild boar) kureva njiri.
• VaLela vanoti dèké (n. warthog) kureva njiri.