Nangazira reChiedza

Shoko rokuti Nangazira reChiedza riri kuturikira chinonzi light spectrum kuEnglish. Nangazira reChiedza zvinoreva chiwonwa chinotaridza: kurongeka kwakaita chipimwa chiri kucherechedzwa; chichitaridzwa nehuwandu hwemhando dzacho; kana mwero wekutambanuka kwakaita chipimwa chiri kutaurwa nezvacho. Kazhinji nangazira rinenge rakarongeka richitevedzwa chiyero chinopimika chakadai sehurefu hwemasaisai, huremu, kana ruvara. Somuenzaniso murarabungu imhando yenangazira rinoonesa mhando dzeruvara dzinowanikwa kana chiedza chezuva chapatsanurwa. Zvimwechetezvo nangazira rechiedza rinoonekwa kana chiedza chichena chakapfuudzwa chichidarika nemuzhumwi yegirasi.

Chiedza chichena chiri kupatsanurarwa pachinodarika muzhumwi yegirazi

Izwi rokuti manangazira (extraordinary or spectacular) rinoreva chiro chinosamisa kana chiyahwa. Manangazira makumbo ezongororo.

Kuumba Mutauro

Mamwe mazwi anokwanisa kuturikira spectrum anoti:

• Mutaradzira; daradzira - zvichibva pazwi rokuti kutara (v. to look, observe).
• Mutaranyira; daranyira. Apa panenge poda kusarudzwa chivakamberi chakafanirana nezviri kutsanangurwa.
• Chipimanhara, chipimadara kana chipimamutara (n. spectrometer).
• Chipimanharachiedza, chipimadarachiedza, chipimanharahueru kana chipimadarahueru (n. spectrophotometer).

Mhando dzeManangazira

• Nangazira rechiedza chinooneka - visible spectrum.
• Nangazira rehuremu - mass spectrum.
• Nangazira regetsimagineti - electromagnetic spectrum

Mitauro yeAfrika

• Kimbundu vanoti nzûmbi kana nzûmbe (n. spectrum).
• Lingala inoti kotala (to look). Herero inoti tara (behold, observe, look at, see) kureva kutarira.
• Kikongo inoti kutala (to look after, at, for; inspect, view, review, observe, watch, gaze at, notice). Mamwe mazwi: ntala (n. a look, glance).
• Lugwere inoti idaala kana madaala (1. ladder, step, stair. 2. status, level, rank, stage, gradation, step; relative position in a graded series) kureva dara.