Mwenje weKuvheneka

Mwenje (a lamp) zvinoreva chinhu chakagadzirwa nechinangwa chekupa chiedza pane rima. Mwenje unogona kava: rambhi, kenduru, bhoni, tochi kana zhenje romoto.

• Bhoni (Light Bulb) zvinoreva icho chinounza mwenje kana ruvheneko pangava patochi kana magetsi emumba.
• Chitimiko chemwenje (light stand) zvinoreva chigadziko chinogadzwa kenduru, rambhi kana imwe mhando yemwenje.
• Chibani (Lamp) izwi iri rinoreva rambhi kuChiNdau.

Kurerutsa Mutauro

• Ngokukasira kwakabuda zvinwe zvenyara yomunhu, zvikanyora pakatsetswa parukumbati rwengome youmambo pasinde nechigadzikiro chechibani: Suddenly the fingers of a human hand appeared and wrote on the plaster of the wall, near the lampstand in the royal palace. (Daniel 5:5, Bhaibheri reChiNdau).

Mitauro yeAfrika

• Maconde inoti nchenje (source of heat and light - sun, fire, torch). Maconde vanoti shenje (n. flashlight, lantern) kureva zhenje.
• Mambwe inoti lukozyo (a torch made of dry grass or twigs) kureva zhenje remoto.
• MaNdebele vanoti emini kureva masikati. Nyanja inoti mwenje (light, shine or gleam).
• Kikongo inoti mini (n. light, a light, torch, candle, lamp, lantern) kureva chiedza kana mwenje.
• VaKongo vanoti minika (v. enlighten; show a light, to give a light, gleam) kuvheneka.
• Zigula inoti kunurisha (light up, enlighten). Mamwe mazwi: kunurishwa (be lit up; be enlightened).
• Herero inoti oku-yerisa (to light up, enlighten; brighten; polish). Lomwe inoti mwenje (n. light, lamp).
• Chewa inoti mwenje (n. light, shine or gleam; a straw to give light). Taabwa vanoti muenge (n. torch) kureva mwenje.