Chisimira

Chisimira (Chingezi: Pleiades) chirimera kana Chimutanhatu, iasterisimu uye sumbu rakavhurika renyeredzi dzezera repakati, dzinopisa dze mhando-B kumaodzanyemba-mabvazuva kwe unganyeredzi ya Handira (Taurus). Rine nhambwe yemakore echiedza anosvika 444, riri pakati pemasumbu enyeredzi ari padyo neRinopasi. Ndiro chinhu che Mesieri chiri pedyopedyo ne Rinopasi, uye ndiro sumbu rinonyatso voneka neziso risina kupfeka mudenga revusiku.

Chisimira.

Vambo rezita

Chisimira izita rema pleiades rinoreva kuti 'nguva yekusima' kana 'kudyara'.

Chimutanhatu kana Chinyamutanhatu inyeredzi tanhatu dzakajeka muchisimira, imwe yacho yechinomwe hayikwanise kuoneka zvakanaka kana munhu achitarisa.

Mitauro yeBantu

• Kilimia ndio zita rachisimira muChiswahiri. Rangarirai kuti Vaswahiri vanoshandisa Ki panoshandiswa Chi muChishona.

• Bangɔndɔ nsambo ndiro zita rachisimira muChingala

• Kelemera ndiro zita rachisimira kuVanyabangu wekuRwanda.

• Lemila ndiro zita rachisimira kuVanyasa wekuMarawi

• Selemela ndiro zita rachisimira muChisotho neChitswana.

• Shirimela rinoreva kuti chisimira muChitsonga.

• Tshilemela ndiro zita rachisimira kuChivhenda.

• Isilemela ndiro zita rachisimira kuChizulu neChixhosa.

Mashoko ashandiswa:

sumbu - kureva cluster

unganyeredzi kureva constellation

asterisimu kureva asterism