Imbwa

Imbwa imhuka inochengetwa pamusha. Imbwa inoshanda mabasa anoti: kuvhima; kufudza zvipfuyo; kuzvuva mitoro kunyika dzinotonhora seCanada; kuchengeta musha; kubatsira mapurisa nemawuto kuronda; kutamba nayo; uye kubatsira vakaremara kana imbwa yakapingudzwa.

Imbwa Yemhando Rhodesian Ridgeback

Kune marudzi mazhinji eimbwa,muZimbabwe mazita anowanza kupihwa imbwa ndeanoti Anashe,Macooks,Welly,Mupenyu,Colleta nerekuti Tonde.Kune imbwa dzinowanikwa dzakarasa pfungwa idzo dzatinoti imbwamipengo,dzimwe dzeimbwa idzi ndedzinoti Kaseke,Trish,Perkins neinonzi Masukume.Kana muchida kuziva zvizere batai Breezy parunhare ,uyo anofarira imbwa.

Kuberekana kwembwa

Imbwa dzinoyaruka zvokukwanisa kubereka padzinenge dzave nemwedzi mitanhatu kusvika gumi nemiviri (6-12); izvi zvinoititka kune mikono zvose nehadzi. Nzvari inoti kana yabindura inenge yagadzirira mupfungwa nemuviri wayo kuti inge ichishumirwa nemukono. Kubva painobindura imbwa nzvari, mazai acho anorarama kwesvondo zvichireva kuti panguva iyi nzvari inokwanisa kushumirwa nemikono yakawanda.

Imbwa dzinozvara mushure memazuva makumi mashunu ne matanhatu kusvika makumi manomwe nemavari (56-72) mushure mekunge Mbwa hadzi yasangana pabonde nembwa hono. Imbwa inobereka vana vanowanza kusvika vatanhatu (6). Mwana wembwa anonzi handa, mbwanana, kana kuti mhondana.

• Kubindura (to be in heat- female dog ).

Nyama yembwa

Imbwa dzinodyiwa nyama kwemazana emakore mazhinji kunyika dziri kumabvazuva eAsia dzinosanganisira Korea, China neVietnam. Pane kufungidzira kunoti pagore rega-rega kunobaiwa imbwa 13-16million muAsia kuti dzidyiwe nyama. Kunonzi nyama yembwa inosanganiswa nenyama yehuku nenhenhere dzemushenjere

Mamwe Mazwi

• Kupinimidza (to wag tail).
• Tsonzoro (male dog) kutaura imbwa hono yakura.
• Kupara kana kutsvara (to follow the scent) apa kureva kutevera hwema.
• Gwekwekwe kana gwekwerere (Act of many hanging on to one object). Imbwa dzaita gwekwekwe panhoro: the dogs attacked the kudu all together.
• Mhini (1. Docked tail. Animal with docked tail) apa kureva chimhini, imbwa yakadimburwa muswe.
• Danga rembwa kana dumbu rembwa (pack of dogs).
• Hasva, hasvo kana hasvati (Space between legs of quadruped, or between arm and body of a human).

Zvirevo

• Muranda muuya ndowembwa hairevi zvokwayabva.
• Kurera imbwa nemukaka mangwana inofuma yokuruma.
• Imbwa nyoro ndidzo tsengi dzamatohwe.
• Imbwa payadyira haipakanganwi.
• Kuchengeta imbwa yomweni kuda mwene wayo.
• Chembere ndeyembwa yomurume ndibaba wavanhu.
• Imbwa inohukura haina ngozi.
• Kurova imbwa rova wakabata nyama. - Zvinoreva kuti kana uchida kubata munhu ane mano ake mutsvagire chinomukwezva.
• Imbwa ine hona haihukuri. A dog with a bone (in his mouth) does not bark.
• Imbwa kuminya hona inodada nechivhuno. A dog swallowing a bone is confident of its power to break it.
• Imbwa kudya matehwel kushaya wokuvhima naye.
• Tiri tose imbwa haidanwi imwe chete.
• Kupatikira hakuna imbwa hora. To be startled by something is not (the way) of an old dog.
• Shungu dzembwa dziri mumwoyo. Kuhukura ndiko kududza
• Inotanda yomunyepi younyerere haitandi.

Mitauro yeBantu

• VaRundi vanoti imbga (dog) vachireva imbwa. VaShambala vanoti kuli (n. dog), kureva imbwa.
• Umbundu vanoti ombwa (dog), kureva imbwa. VaKongo vanoti mbwa kana mboa (n. hunting dog).
• MaZulu vanoti umgodoyi (n. Pariah dog; scavenger dog having no master), kureva imbwa isina tenzi.
• Silozi inoti nja (n. dog) kureva mbwa. Sesotho inoti njta (n. dog) kureva mbwa.
• Bushong inoti bayola (n. older ones; senior). Bushong inoti bayola (n. elder brother or sister).