Mhuri

Shoko rokuti mhuri (family in English) rinoreva vanhu vane ukama hweropa vanoti: baba, amai; vana vavo; sekuru naambuya vakabereka baba; vakoma nevanin'ina vababa; hanzvadzi dzababa zvichingodaro.

• Mune kumwe kutaura mazwi anoti imba namhatso anoshandiswawo zvakare kureva mhuri. Sokuti imba yaChangamire yakatonga makore anoda kusvika makumi mana.

Vanhu vemhuri imwe vanowanza kunge vachishandisa zita remhuri rakafanana. MuZimbabwe vanhu vemhuri imwe vane mutupo wakafanana.

Mhuri yakakura inotaurwa ichinzi buri.

• Nhundu (A family and its belongings) apa kureva mhuri nenhumbi dzayo. KuChiChewa mtundu zvinoreva kind, tribe.
• Mubereki kana mubari munch angava murume kana mukadzi akabereka mwana.
• Dungwe (whole lineage from first ancestor until now).
• Mapanze kana mabvumwa (quickness of human growth). Zvichida ndipo panobva zita rokuti Mapanzure.
• Vatevedzani, ana budandibudewo kana varumudzani (children born one after the other).

Tsika

Govero kana magovero (1. Family name; 2. Stock of common descent). Zita rake rokuzvarwa regovero ndiMudzingwa: his chidao is Mudzingwa.

• Gotwe, rugotwe, hokotorwa, chikokotorwa, chigumaura kana chigumisirwa zvinoreva mwana akapedzesera kuzvarwa mumhuri.
• Dangwe ndiye mwana akatanga kuzvarwa mumhuri. KuKalanga vanoti mbano - (firstborn child).
• Muzari (eldest son; any son of king) apa kureva chero upi mwanakomana wamambo.

Tsumo

• Ane mhuri ndeane mhurikadzi, mhurirume inozvitsvagira. The one with daughters has a family; sons will look after themselves.
• Pako hapana radoka. At your home there is no sunset.
• Kwako hakuna radoka. At your home there is no sunset.

Mitauro yeAfrika

• Swahili vanoti mbari (family, clan, tribe). VaChewa vanoti mfunda (a family) kureva mhuri. VaTakwane vanoti mmudhi (n. family) kureva mhuri.
• Nyungwe vanoti ubale (family) kureva mhuri. Mamwe mazwi: banja kana mabanja (n. family) kureva mhuri. Zigula vanoti nkolo (family).
• VaLungu vanoti ulupwa (family) kureva mhuri. Mambwe inoti lupwa. Mamwe mazwi: umulupwa (in the family; relative) kureva mumhuri kana hama.
• Ila inoti chilu (family. clan, race) kureva mhuri kana dzinza. Zulu inoti umkhaya kana ulusapho (n. members of the family) kureva vanhu vemhuri imwe.
• Tonga vanoti ciinga kana mukwasyi kureva mhuri. Baila vanoti mukwashi kureva mhuri. Venda vanoti muta kana tshaka kureva mhuri.
• Djimini vanoti sege kana sewe (n. family) kureva mhuri. Mamwe mazwi: sege (n. birth). Vei inoti tawa (n. kindred, relation, family).
• Hadiyya inoti moollo (n. clan; lineage; close relative). Mamwe mazwi: moolli seera (n. community law).